Kardam Modi

 *ભવનાથ મહાદેવ યાત્રા* અમદાવાદ થી શનિવારે સવારે છ વાગ્યે લક્ઝરીમાં બેસીને અમે નીકળ્યા અને લગભગ 9:30 વાગે રાજેન્દ્રનગર ખાતે એક મહાદેવના મંદિરમાં પહોંચ્યા ત્યાં અમારો ચા નાસ્તો હતો.ચા નાસ્તો કર્યા બાદ અમે ત્યાંના જંગલમાં લગભગ ત્રણ કિલોમીટરનો ટ્રેક કરવા ગયા.ત્યાં જંગલમાં એક બાલસાગર નામનું સ્થળ છે. લોકવાયકા પ્રમાણે ઘણા વર્ષો પહેલા ત્યાં એક માતા અને બાળક પાણીના અભાવે મૃત્યુ પામ્યા હતા.ત્યારબાદ ત્યાં એક ઝરણાનું નિર્માણ થયું હતું અને એ ઝરણાની બાધા આજના દિવસે પણ લોકો રાખે છે. ત્યાં બાધામાં સ્ત્રીઓ પોતાના બ્લાઉઝ ચડાવે છે.રસ્તામાં એક સુંદર સરોવર આવતું હતું.સરોવરમાં અનેક પ્રજાતિના પક્ષીઓ જોવાની ખૂબ જ મજા આવી. સાથે પક્ષી શાસ્ત્રીઓ પણ હતા એમણે તમામ પક્ષીઓની ઓળખ આપી,ખાસિયતો સમજાવી.કાંટા વચ્ચેના સાંકડા રસ્તામાંથી ચાલતા ચાલતા અમે બાલસાગરના મંદિરમાં પહોંચ્યા. મંદિર ભવ્ય નથી.ત્યાં પથ્થરનો બનાવેલો એક કૂવો તેમજ ગૌમુખ હતું. જેમાંથી સ્વચ્છ પાણી વહી રહ્યું હતું.ચારે બાજુ વાળું વડ હતા.પુષ્કળ વાંદરાઓ તેમજ વિવિધ જાતિના પક્ષીઓ હતા.નિરવ શાંતિ હતી.જ્યાં અમે 15 મિનિટ માટે મેડીટેશનમાં બેઠા.જંગલમાં શાંત વાતાવરણમા...

 જે માબાપો અત્યાર સુધી પોતાના બાળકને મોબાઇલ આપીને હરખાતા હતા અને પોતાના બાળકને મોબાઈલનો સારો વૈજ્ઞાનિક માનતા હતા એ મા બાપો ને હવે પસ્તાવાના દિવસ શરૂ થઈ ગયા છે. બાળકો હવે આઠ દસ સેકન્ડથી વધારે કોઈપણ બાબત ઉપર ધ્યાન આપી શકતા નથી અત્યંત ચંચળ બની ગયા છે.સ્મૃતિ શક્તિ લગભગ નહિવત જેવી થઈ ગઈ છે. જ્યારે વર્ગમત ભણાવવામાં આવે છે ત્યારે તે ઘડી પૂરતી બાળકને ખબર પડે છે પરંતુ એની ત્રણ મિનિટ પછી એમને કશું જ યાદ હોતું નથી જ્યારે બાળકો રમતા હોય છે ત્યારે એમને શિક્ષણ વિશે કશું જ ભાન હોતું નથી તેમ જ મનમાં યાદ રાખીને લાંબા સમય પછી પરીક્ષામાં લખવું એ હવે ધીમે ધીમે કલ્પનાતીત બનતું જણાય છે.સાથે સાથે નીતિ મૂલ્યોનો કન્સેપ્ટ પણ ખતમ જેવો થઈ ગયો છે શિક્ષકને માન આપવું,માતા પિતાને માન આપવું,સભ્યતા જાળવવી શાંતિ જાળવવી વગેરે બાબતો લગભગ ઘસાઈ જેવી ગઈ છે આમ શિક્ષકો માટે હવે ભણાવવાનું કામ અત્યંત કપરું બની રહ્યું છે સાથે સાથે બાળકોને શિક્ષા ન કરવી જેવા કાયદાઓ શિક્ષકોના હાથ બાંધી રહ્યા છે વળી નીચલા ધોરણોમાં બાળકોને ફરજિયાત પાસ કરી દેવામાં આવે છે આથી બાળકને ભણવાની કશી જરૂર નથી જણાતી તેમ જ શિક્ષકે કશું ભણાવવાની જરૂર નથી.આથી...

 આજના વાલીનો પુત્રપ્રેમ અલ્યા ભણ નહી તો તો રહી જઈશ દુનિયા જીવશે,પણ તું મરી જઈશ વસંત આવે કે વરસાદ, બારી બહાર નહી જોવાનું કોયલ બોલે કે પતંગિયું ઉડે, તારે એ નહી જોવાનું વગર પાણીબે ડૂબી જઈશ ભણ નહીતો તો રહી જઈશ લગન હોય કે ભજન, તારે તો તો લેસન જ કરવાનું, રિસેસ હોય કે રજા હોય. ગમે તેમ નહી ફરવાનું મોટો થઈને પછી શું ખઇશ ભણ નહીતો તો રહી જઈશ ટોપર થવાનું છે તારે, સ્ટોપ થઈશ નહી ઉપર જવાનું છે આપણે, નીચે જઈશ નહીં. નામ રામનું ય ના લઈશ ભણ નહિતો રહી જઈશ કર્દમ ૨. મોદી પાટણ

  કેરલા સ્ટોરી ભાગ ૧૨ કેરલા સ્ટોરી વન અને ટુ એવી બે ફિલ્મો આવી અને ગઈ.સમાજમાં લોકોએ જોયું પણ ખરું અને ભૂલી પણ ગયા.હજુ આવી બીજી એક ડજન ફિલ્મ બનાવી શકાય છતાં પણ આ સમાજને કશો જ ફરક પડવાનો નથી.એનું મૂળ કારણ એ છે કે આપણે ફિલ્મો માત્ર મનોરંજન માટે જોઈએ છીએ કશું શીખવા માટે નહીં.એના લીધે સારી સારી ફિલ્મો પણ જે સત્યનું જ્ઞાન કરાવતી હોવા છતાં પણ કોઈ અસર ઉપજાવી શકતી નથી. જોકે અહીંયા વિચારવાનો મુદ્દો એ છે કે શા માટે કેરલા સ્ટોરી જેવી ફિલ્મો બનાવવી પડે છે અને લોકોને આ મુદ્દો જણાવવો પડે છે. અમારી દ્રષ્ટિએ એનો સીધો જવાબ એ છે કે હિન્દુ ધર્મની જે સૌથી મોટી વિશેષતા છે એ જ અત્યારે નબળાઈ બની ગઈ છે.હિન્દુ ધર્મનું ઉદારપણું અથવા ડેમોક્રેટ અભિગમ છે એ જ કદાચ અત્યારે મારક બની ગયો છે.  હિન્દુઓ પોતાના બાળકોને ધાર્મિક જ્ઞાન આપે કે ન આપે તો પણ તેઓ હિન્દુ જ રહે છે.હિન્દુઓના બાળકો મંદિરમાં જાય કે ન જાય તેઓ હિન્દુ જ રહે છે. હિન્દુઓના બાળકો પોતાની સંસ્કૃતિ સમજે કે ન સમજે તેઓ હિન્દુ જ રહે છે.હિન્દુઓના બાળકો પોતાના શાસ્ત્રોનું જ્ઞાન પ્રાપ્ત કરે કે ન કરે પણ તેઓ હિન્દુ જ રહે છે.હિન્દુઓના દેવી દેવતાઓ ઉપર ગમે એવી ફિ...

  વ્યક્તિ 3 દિવસ 11 મુસાફરી 4 દિવસ ફરવાનું 7 દિવસ ખર્ચ 30,000 લખાણનો હેતુ કેટલાક મિત્રોનો આગ્રહ હતો કે તમે આ પ્રવાસનું વિગતવાર લખાણ લખો એટલે મેં તદ્દન ઔપચારિક લખાણ કર્યું છે. લાંબા લચક સાહિત્યિક લખાણો જાણી જોઈને કર્યા નથી.અહીં માત્ર પ્રવાસની માહિતી જ આપવાનો આશય છે.જેથી કોઈને જવું હોય તો આ લખાણ ઉપયોગી થાય. તારીખ 16 10 2025 ને ગુરુવારે પાટણથી અમદાવાદ બસમાં ગયા.ત્યારબાદ અમદાવાદથી ટ્રેનમાં બેસીને ત્રિશુર ગયા.અમદાવાદથી ત્રિશુર 34 કલાકનો રસ્તો છે ત્રિશુર બે દિવસ રહ્યા અને ત્રિશુલમાં એક મિત્રના દીકરાનું લગ્ન હતું જે એટેન્ડ કર્યું.ત્યારબાદ ત્રિશુરમાં જોવાલાયક સ્થળમાં ભરતજીનું એક અત્યંત પ્રાચીન મંદિર છે એ મંદિરમાં દર્શન કરીને ધન્યતા અનુભવી.આ મંદિર આપણા માટે ખાસ પ્રચલિત નથી પરંતુ મંદિર જોયા પછી એવું લાગ્યું કે ખરેખર આ મંદિરમાં એકવાર જવું જોઈએ.તદ્દન તેના અસલ સ્વરૂપમાં છે અને અત્યંત પ્રાચીન છે.તે મંદિરમાં આસપાસના કોઈ ગામનું સંગીત મંડળ આવેલું હતું અને એમણે શરણાઈ અને ઢોલકથી ભગવાનની આગળ જે પ્રાર્થના કરી તે જોવાની અને સાંભળવાની ખૂબ જ મજા આવી. બીજા દિવસે અમે ત્રિશૂરથી રેલવેમાં બેસીને એર્નાકુલમ ગયા...

 મારો નાનકડો પ્રવાસ ગાંધીજીએ દાંડીકૂચ કરી હતી એ આપણને સૌને ખબર છે. જે અમદાવાદથી દાંડી સુધી કરવામાં આવી હતી આજે પણ કેટલાક લોકો પોતાની મરજીથી દાંડીકૂચ કરતા હોય છે આ માર્ગને ને સરકારે દાંડી પથ તરીકે પ્રસિદ્ધ કર્યો છે.આ દાંડી પથ પર જુદી જુદી જગ્યાએ જ્યાં જ્યાં ગાંધીજી રોકાયેલા તેમાંથી ૧૪ જગ્યાઓ પસંદ કરીને ત્યાં યાત્રીકોને રહેવા માટે નિવાસ્થાન બનાવવામાં આવ્યા છે. અમદાવાદ પછીનું સૌથી પ્રથમ નિવાસસ્થાન નવાગામ નામના ગામે છે ત્યારબાદ માતરમાં છે ત્યારબાદ કંકાપુરા છે.એમ કરતાં કરતાં સૌથી છેલ્લું નિવાસ સ્થાન દાંડી પહેલાંનું ગામ મટવાડ છે ત્યાં બનાવેલું છે. આ નિવાસ્થાનમાં રહેવા અને જમવાની સુવિધા વ્યાજબી દરોમાં મળી રહે છે આ નિવાસ્થાને તમામ બાબતો ઇકો ફ્રેન્ડલી છે.જેમ કે તેના પલંગ લાકડાના છે કબાટ લાકડાનો છે.કાપડ બધી જ જગ્યાએ ખાદીનું વપરાયેલું છે એ સી રૂમો નથી પણ જે રૂમો છે તે એવી રીતે બનાવેલા છે કે જેમાં પુષ્કળ પ્રમાણમાં હવા ઉજાસ છે.રૂમોન મેન્ટેનન્સ માટે કાયમી સ્ટાફ નિમણૂક કરવામાં આવેલો છે.રૂમોમાં રહેવા માટે ઓનલાઇન બુકિંગની સુવિધા છે.એક દિવસના 600 રૂપિયા ભાડું હોય છે. હું અગાઉ કંકાપુરા નામના ગામે રોક...

  મારો મુંબઈનો પ્રવાસ મુંબઈ એ પ્રવાસ માટેનું એટલું સામાન્ય સ્થળ છે કે કોઈને આ વર્ણન વાંચીને એમ લાગશે કે મુંબઈના પ્રવાસ વિશે શું લખવાનું? મુંબઈ તો બધાએ જોયેલું હોય. પરંતુ અહીંયા મુંબઈની સાથે અન્ય કેટલાક સ્થળો વિશે પણ વિગતવાર લખવાનો ઉપક્રમ છે.તારીખ 24 ની રાત્રે અમદાવાદથી ટ્રેનમાં બેસીને અમે 25 મીએ સીધા દાદર પહોંચ્યા. 25/12/2025 દાદર થી છત્રપતિ શિવાજી ટર્મિનસ(CST)પર પહોંચ્યા ત્યાં રેલવેના ક્લોક રૂમમાં સામાન જમા કરાવ્યો જેથી અમારે સામાન લઈને ફરવું ન પડે.રેલવેના ક્લોક રૂમ વિશે પણ જાણવા જેવું છે દરેક રેલવે સ્ટેશન પર સામાન રાખવા માટે એક કલોક રૂમ હોય છે જ્યાં તમે તમારો સામાન જમા કરાવીને બજારમાં ફરવા જઈ શકો છો.ત્યાં એક વસ્તુ રાખવાના 24 કલાકના 30 રૂપિયા ખર્ચ થાય છે.શરત એટલી કે તમારા સામાનને ફરજિયાત તાળું લાગેલું હોવું જોઈએ. ત્યાં સામાન જમા કરાવીને અમે સીધા ગેટ વે ઓફ ઇન્ડિયા પર ગયા.ત્યાંથી 200 રૂપિયાની ટિકિટ ખરીદીને અમે હોડીમાં બેઠા.દરિયા માર્ગે લગભગ સવા કલાકની મુસાફરી કરીને અમે માંડવા બીચ પહોંચ્યા.માંડવા બીચથી એ જ ટિકિટ પર બસમાં મુસાફરી કરીને અમે અલીબાગ પહોંચ્યા.અલીબાગ એ એક શહેરનું નામ છે જે...

 ગુલકંદી - એક અજાણી અને અદભુત ગુજરાતી ફિલ્મ  જ્યારે મારા હાથમાં ટિકિટ આવી ત્યારે મને મુવી નું નામ કે મુવી અંગે કોઈ બાબતની ખબર પણ ન હતી.પરંતુ જ્યારે નામનો અજાણ્યો એવું મુવી પ્રત્યક્ષ જોયું ત્યારે મોઢામાંથી વાહ ! એવો ઉદગાર નીકળી ગયો અને ગુજરાતીમાં પણ આટલી ઊંચાઈ વાળી ફિલ્મો બને છે એ જાણીને આશ્ચર્યની સાથે આનંદ પણ થયો. કેન્સરની એક પેશન્ટ તેમજ મનોચિકિત્સક એવી ડોક્ટર ગુલકંધીને જીવનના માત્ર ત્રણ જ મહિના જીવવાના બાકી છે.ત્યારે તે એક એવા વ્યક્તિના પરિચયમાં આવે છે જે વ્યક્તિ આત્મહત્યા કરવા નીકળ્યો હોય છે. હકીકતમાં ગુલકંદી એ આત્મહત્યા કરનારા વ્યક્તિને સાજો કરવાનો હતો એના બદલે ગુલકંદીને જિંદગીના વમળોમાંથી બહાર કાઢવામાં આત્મહત્યા કરવા વાળો વ્યક્તિ મદદરૂપ બને છે હકીકતમાં બંને વ્યક્તિઓ અંદરખાને જીવનમાં નિરાશ થઈ ગયેલા છે પરંતુ સ્ટોરી એટલે સુંદર રીતે વણાઈ છે કે જોતા જ રહી જવાય છે અને બંને નિરાશ વ્યક્તિઓ એકબીજામાં આશાનો સંસાર કરે છે. ઓછા સમયમાં વધારે જિંદગી કેવી રીતે જીવવી એના સૂચનો પૂરી પાડતું આ મુવી ખરેખર સુંદર છે. સુપર સ્ટાર હોવું એના કરતાં પણ ઉચ્ચ કક્ષાના મનુષ્ય હોવું એ મોટી વાત છે એવું આ મુ...

 વેદ ધોરણ 4 માં ભણતો હતો.તે ખૂબ જ હોશિયાર વિદ્યાર્થી હતો.પરીક્ષામાં હંમેશા વધારે માર્ક લાવીને આગળ રહેતો હતો. એટલું જ નહીં બીજી પ્રવૃત્તિઓમાં પણ ખૂબ ભાગ લેતો હતો.રમતગમતમાં અને ગીત સંગીતમાં પણ એને રસ હતો.એટલે હરીફાઇઓમાં પણ એ ભાગ લેતો અને નંબર લાવતો.રમતગમતમાં ભાગ લેવાના લીધે એનું શરીર મજબૂત હતું અને ગીત સંગીતમાં રસ હોવાના લીધે એ હંમેશા આનંદી ગીતો ગાતો રહેતો. એના લીધે વેદ બધાને ખૂબ જ ગમતો.એનું વ્યક્તિત્વ ચારે કળાએ વિકસ્યું હોવાથી એ પરીક્ષામાં પહેલો નંબર આવે એટલે એના પિતાજીને એકવાર થયું કે આ વખતે વેદને જન્મદિવસ ઉપર કંઈક સારી ભેટ લઈ આપવી પણ શી ભેટ લઈ આપવી એ નક્કી થતું ન હતું. થોડા વખત પછી વેકેશન પડ્યું એટલે વેદ એના મામાના ઘેર ફરવા ગયો.મામાના ઘેર એની આજુબાજુના પડોશના બાળકો સાથે તે રમતો હતો તેમાં કોઈ છોકરાની પાસે મોબાઇલ હતો. વેદને એ મોબાઇલ ત્યાં છૂટથી રમવા મળ્યો.એટલે એને મજા પડી ગઈ અને મોબાઇલમાં એ ઘણું બધું શીખી ગયો. પછી ઘેર આવી અને એણે એના પપ્પા આગળ મોબાઈલના વખાણ કર્યા પણ એના પપ્પાએ કશું જવાબ આપ્યો નહીં.થોડા વખત પછી એનો જન્મદિવસ આવતો હતો એટલે એના પપ્પાને થયું કે આપણો વેદ હંમેશા ભણવામાં સા...

 વાર્તા : રોહન રોહન એક બાર વર્ષનો છોકરો હતો. ખૂબ જ ભલો અને દયાળુ હતો.એના માતા-પિતાએ એનામાં ખૂબ સારા સંસ્કારનું સિંચન કર્યું હતું. રોહન હંમેશા એની માતા-પિતાનો કહેલું માનતો હતો.માતા પિતાનું કોઈ પણ કામ એ રસપૂર્વક કરતો હતો.એટલું જ નહીં મહોલ્લામાં પણ કોઈ એની મદદ માંગે તો તરત જ એ દોડીને બધાનું કામ કરતો હતો.રોહન શાળાએ જતો તો હંમેશા માતા-પિતાને પગે લાગીને જતો.શાળાએથી આવીને પણ એ તરત જ માતા પિતાને પગે લાગતો.શાળામાં પોતાના શિક્ષકને પણ પગે લાગતો હતો.આ પ્રકારે રોહન ખૂબ જ સેવાભાવી છોકરો હોવાને લીધે એના મિત્રો ક્યારેક એની મજાક મશ્કરી પણ કરી લેતા હતા.રોહનને એના મિત્રો સેવાભાવી કહીને ચીડવતા હતા. રોહનના મિત્રો એને ચીડવે તો એ હંમેશા હસી કાઢતો હતો અને બધાને કહેતો કે હું કંઈ ખોટું કરું તો તમે ચોક્કસ કહેજો પણ હાલ તમે જે વાત પર મને ચીડવો છો એ તો હું કદી એ બંધ નહીં કરું કારણ કે મને ખબર છે કે હું કંઈક સારું કરી રહ્યો છું.એક માણસ બીજા માણસને મદદ નહીં કરે તો કોણ કરશે? કોઈ પશુ પક્ષી કે વૃક્ષો તો માણસને મદદ કરવાના નથી.એટલે હું મદદ કરું છું.વળી મારા માતા પિતાએ પણ મને આવું શીખવાડ્યું છે અને આપણી શાળામાં આપણા સાહ...

 આર્યન નાનપણથી જ તેના ઘરના સભ્યોને ચીટકીને રહેતો હતો.આર્યનને એક મિનિટ પણ એની મમ્મી વગર ચાલતું નહોતું.એક મિનિટ માટે પણ એના પપ્પા વગર ચાલતું નહોતું ભાઈ કે બહેન વગર ચાલતું નહોતું.આથી આર્યનને ક્યાંય પણ મોકલી શકાતો નહોતો.એની સામે એનો પ્લસ પોઇન્ટ એ હતો કે તે ભણવામાં ખૂબ જ હોશિયાર હતો પરંતુ માતા પિતાને સતત એક વાતનું ટેન્શન રહેતું હતું કે છોકરો ઘરની બહાર નીકળતો નથી તો એ જીવનમાં આગળ કેવી રીતે વધશે. એટલે આર્યનને ઘરની બહાર મોકલવા માટે માતા-પિતા જાતજાતના આઈડિયા કરતા હતા.ક્યારેક કોઈ સગા વાલાના ઘેર મૂકીને આવતા તો બે જ કલાકમાં ફોન આવી જતો કે હાલ ને હાલ લઈ જાઓ. ક્યારેક બગીચામાં બીજા બાળકો સાથે રમવા મૂકીને આવતા તો થોડી જ વારમાં આર્યન તેના પપ્પાની પાછળ થઈ જતો કે મને હાલ ને હાલ લઈ જાઓ.ક્યારેક ફરવાના કોઈ સ્થળે જઈએ તો એક મિનિટ માટે પણ એના માતા પિતાની આંગળી છોડતો નહોતો.માતા-પિતા અને ભાઈ બહેનોનું એટલું બધું વળગણ થઈ ગયેલું હતું કે જરાય છૂટો પડતો નહોતો. દિન પ્રતિ દિન એના માતા પિતા માટે આ એક મૂંઝવણ ભરી પરિસ્થિતિ થઈ ગઈ હતી.પરંતુ આનો કોઈ ઉકેલ જડતો નહોતો.  એવામાં છાપામાં એક જાહેરાત આવી કે બાળકો માટે એક સમ...

  રમ્યાને નાનપણથી પાણી પ્રત્યે ખૂબ લગાવ હતો.એને પાણીમાં નહાવાનું ખૂબ જ ગમતું હતું.ક્યાંક તળાવ કે નદી જોઈ જાય તો તરત જ તેની માતાને એ કહેતી કે મને તળાવમાં નાહવા જવું છે.પરંતુ તળાવમાં ડૂબી જવાય એ ભયથી એના માતા-પિતા એને તળાવમાં નાહવા જવા દેતા નહોતા.પણ રમ્યા પોતાના ઘેર પાણીમાં નાહવાની તક ક્યારે છોડતી નહી.ઉનાળામાં તોવળી વારંવાર. એવામાં એણે કોઈ ફ્રેન્ડ પાસેથી સાંભળ્યું કે એક વોટરપાર્ક બન્યો છે અને તેમાં પાણીની જાત જાતની રાઇડ હોય છે. જેમાં ખૂબ જ મજા આવે છે.પરંતુ એની ટિકિટ ખૂબ ઊંચી હોય છે એટલે રમ્યા થોડી નિરાશ તો થતી ગઈ છતાં પણ એણે ડરતા ડરતા એના માતા-પિતાને વાત કરી.પરંતુ એના માતા પિતાએ કહ્યું કે આટલા બધા પૈસા આપણે કાઢી ન શકીએ એટલે પ્રિયા બોલતી બંધ થઈ ગઈ બીજા વર્ષે પણ ઉનાળામાં એણે એ જ વોટરપાર્કનું રટણ કર્યું પણ મેળ ન પડ્યો.છેવટે ત્રીજા વર્ષે એના માતા પિતાને થયું કે ચાલો આ વર્ષે લઈ જઈએ અને ત્રીજા વર્ષે રમ્યાને વોટરપાર્કમાં જવા મળ્યું.વોટરપાર્કમાં જતા જ તે આશ્ચર્યચકિત થઈ ગઈ.વોટરપાર્કનો ભવ્ય દરવાજો કોઈ રાજમહેલના દરવાજા જેવો હતો.એની બે બાજુ બે મોટા હાથી હતા.બંને હાથીની સૂંઢમાંથી પાણીના ફુવારા ઉડ...

 હીર અને પંથુ બે પાકી બેનપણીઓ હતી. બંનેને એકબીજા વગર ચાલતું નહોતું.એક સ્કૂલે ના જાય તો બીજી પણ સ્કૂલે ન જાય . એક નાસ્તો ન કરે તો બીજી પણ નાસ્તો ન કરે.શાળામાં એમની દોસ્તીની ઠેર ઠેર વાતો થતી હતી.એમના ઉદાહરણો હતા. છતાં પણ બંનેમાં એક વાતનો પાયાનો ફેર એ હતો કે પંથુ ખૂબ ઉતાવળી હતી અને હીર ખૂબ ધીમી હતી.પંથુ હંમેશા હીરને ઉતાવળ કરવા કહેતી અને હીર પણ પંથુને હંમેશા ધીમી રહેવા કહેતી. અને ઘણીવાર તો એ બંને વચ્ચે એ વાતનો ઝઘડો થઈ જતો.પરંતુ પાંચ મિનિટમાં ઝઘડો પતી પણ જતો.બંને એ ભૂલીને મસ્તી કરવા માંડતા. એકવાર એવું બન્યું કે શાળામાં પરીક્ષા હતી.બંને વાહનમાંથી ઉતરીને શાળા બાજુ જતા હતા.ત્યારે થોડું મોડું થઈ ગયું હતું એટલે પંથુએ હીરને કહ્યું કે તું ઝડપથી ચાલ.આપણે મોડું થાય છે પણ હીર કહે ના મારે ઝડપથી નથી ચાલવું.હું તો શાંતિથી આરામથી ડોલતી ડોલતી જ આવીશ.એટલે પંથુએ કહ્યું કે ઝડપથી ચાલ નહિતર પહોંચવામાં મોડું થશે.પણ હીર માની નહીં અને બંને વચ્ચે એ જ વખતે ઝઘડો થઈ ગયો. પંથુ હીર છોડીને ઝડપથી ચાલવા માંડી.એ ઝડપથી ચાલીને પરીક્ષા ખંડમાં આવી ગઈ અને પરીક્ષા આપવા માંડી.થોડીવાર પછી હીર આવી.પરીક્ષા ચાલુ થઈ ગઈ હતી એટલે ...

 whatsapp માં સૌથી વધારે ફરતું હોય તેવું વાક્ય એ છે કે મૃત્યુ પછી કશું જ સાથે લઈ શકાતું નથી.આપણા જીવન દરમિયાન સૌથી વધારે લેવડ દેવડ ઉપરોક્ત જ્ઞાનની જ થતી હોય છે.તમામ ધાર્મિક અને આધ્યાત્મિક કાર્યક્રમોમાં પણ એ જ સાબિત કરવામાં આવે છે કે જીવન નશ્વર છે અને મૃત્યુ પછી કશું જ સાથે લઈ જઈ શકાતું નથી. છતાં પણ જ્યારે આપવાની વાત આવે છે ત્યારે આપણું મન વિવિધ પ્રકારના બહારના ઉભા કરે છે.જેમાં સૌથી પહેલું બહાનું એ છે કે અંબાણી અને અડાણી જેવા લોકો કંઈક આપી શકે ! આપણું શું ગજુ? પણ હકીકતમાં ટીપે ટીપે સરોવર ભરાય એ કહેવતને ધ્યાનમાં રાખીએ તો કોઈ પણ મધ્યમ વર્ગ અથવા મધ્યમ વર્ગથી નીચેનો માણસ સામાન્ય રકમ અનેક વાર આપી શકે છે.પરંતુ મૂળ વાત એ છે કે આપણે આપવા માટે ટેવાયેલા નથી. Actually હું પોતે આ એક નવી ટેવ શીખી રહ્યો છું અને હું સાથે સાથે એ પણ જોવા માંગુ છું કે મારા દૈનિક જીવન ઉપર આવું કરવાથી શું નકારાત્મક અસર પડે છે.હાલ સુધીનું મારું અવલોકન છે કે દૈનિક જીવન ઉપર આનો કોઈ જ પ્રભાવ પડતો નથી.માટે મધ્યમ વર્ગ અથવા તેથી નીચેના વર્ગના લોકો પણ નાના નાના દાનો ચોક્કસ કરી શકે. મદદની થિયરી આપણા સમાજમાં ડેવલપ કરવા જેવી છે. ...

 *દરેક માં બાપ આટલું તો જરૂર કરે* #પ્રારંભિકશિક્ષણ  જો તમારા બાળકો ધોરણ ૧ થી ૫ માં ભણતા હોય તો.. *૧)* રોજ રાત્રે સૂતી વખત ઘડિયા બોલાવો. બાળકોનું ગણિત કાચું હોવાનું મુખ્ય કારણ એ છે કે આપણા બાળકોને સારી રીતે ઘડિયા આવડતા જ નથી. કેટલાક વર્ષો પહેલા શાળાની અંદર સરેઆમ ઘડિયા બોલાવવામાં આવતા હતા. આજે ઘડિયા મોઢે કરવાના સમયને, સમયનો બગાડ માનવામાં આવે છે. આથી બાળકના સારા શિક્ષણ માટે બાળકને રાત્રે સૂતી વખતે એકા થી વિસ્સા સુધીના ઘડિયા ફરજિયાત બોલાવવા. જો તમારા બાળકને એકાથી વીસા ઘડીયા નથી આવડતા તો તેના માટે શિક્ષક નહિ પરંતુ માતા-પિતા જવાબદાર છે. *૨)* પુસ્તકાલયમાંથી બાળવાર્તાનું પુસ્તક  લાવી એમાંથી એક વાર્તા તમારા બાળકને સૂતી વખતે વાંચીને સંભળાવો. બાળકને મોઢે વાર્તા પણ કહી શકાય છે. પરંતુ કોઈ વ્યક્તિને 365 દિવસ માટેની 365 વાર્તાઓ મોઢે ના આવડતી હોય. માટે પુસ્તકાલય માંથી બાળવાર્તાઓનું પુસ્તક લાવીને એમાંથી રોજ એક વાર્તા વાંચીને સંભળાવવી. બાળકને વાર્તા વાંચીને સંભળાવો કે મોઢેથી કહીને સંભળાવો, બાળકને ઝાઝો ફેર પડતો નથી. પરંતુ વાંચીને સંભળાવવામાં આવે તો બાળકને નવા અને અઘરા શબ્દો પણ સાંભળવા મળે છ...

 જ્યાંથી વિજ્ઞાનની સીમા સમાપ્ત થાય છે ત્યાંથી અધ્યાત્માની સીમા શરૂ થાય છે.આ પ્રચલિત વિધાન આપ સૌ જાણતા હશો.જો આ વિધાન આધારિત ફિલ્મ જોવાની ઈચ્છા હોય તો હનુમાન અંશ ફિલ્મ જોઈ લેવી. મોબાઇલ,AI અને કમ્પ્યુટર વાપરીને આપણે વાસ્તવિક દુનિયા (રિયલ વર્લ્ડ) ને ભૂલીને લગભગ કાલ્પનિક દુનિયા(વર્ચ્યુઅલ વર્લ્ડ)માં પહોંચી ગયા છીએ અને સમાજનો એક મોટો વર્ગ (ઝેન G) એવો તૈયાર થઈ ગયો છે કે જે વર્ચ્યુઅલ વર્લ્ડને જ રીયલ વર્લ્ડ માને છે અને આવા લોકો માટે આધ્યાત્મિક વિજ્ઞાન કે આધ્યાત્મિક શાંતિ શું છે એ કલ્પના બહારનો વિષય થઈ જાય છે. હકીકતમાં ભારત એ આધ્યાત્મિક જ્ઞાનની ખાણ છે પરંતુ આજે આપણે એવા વળાંક પર આવીને ઊભા છીએ કે અધ્યાત્મિકતા એટલે શું? એવો પ્રશ્ન જો કોઈને પૂછો તો બહુ ઓછા માણસો એના વિશે સંતોષકારક જવાબ આપી શકશે. આવી વિપરીત પરિસ્થિતિમાં જો આધ્યાત્મિક જ્ઞાનનો સામાન્ય ચમકારો અનુભવવો હોય તો હનુમાન અંશ મુવી ખરેખર જોવા જેવી છે.સાથે સાથે શાહરૂખ ખાનો અને સલમાનખાનો વગર મુવી ન બની શકે અથવા અબજો રૂપિયા વગર મુવી ન બની શકે એ ધારણાઓનો પણ ડાયરેક્ટરે અંત લાવી દીધો છે.ખરેખર એ જ આધ્યાત્મિકતાની સાબિતી છે. સૌને પ્રેમ ભર્યો આગ્રહ છ...

 પેટને થાય છે ફુટું ફુટું  માથાને થાય છે દુખું દુખું  બાળકને થાય છે રડું રડું  ચોરને થાય છે લુંટું લુંટું  પાણી ગળામાં ઘૂંટું ઘૂંટું શાકભાજીને થાય સડું સડું  તોફાનીનો ઈલાજ વડુ વડુ અમેરિકાને થાય લડું લડું  હવેલીને થાય છે પડું પડું  હોડીમાં તો હું ડરું ડરું  વોટરપાર્કમાં મારે જવું જવું માલદીવમાં તો હું ફરું ફરું કુતરાને થાય છે ભસુ ભસુ બિલ્લીને થાય છે મ્યાઉ મ્યાઉ ગાયકને થાય છે કે ગાઉં ગાઉં Panthini Modi 

 આંખો દિવસોથી રોઈ નથી કેમ છો પૂછનારું કોઈ નથી પળપળને ચાહી છે પૂરા મનથી જિંદગી અમથી કંઇ ખોઈ નથી ઉજાગરા છે જનમ જનમના છતાં આંખો પણ સવારે ધોઈ નથી ટીકા કરો છો સર્વની દિન 'ને રાત જિંદગી શું વહાલસોયી નથી? દાવા કરે સૌ દિલાવરીના અહી દિલથી અમે દિલદારી જોઈ નથી કર્દમ મોદી 

 એક ખુશીની ક્ષણનું પ્રગટીકરણ કાલે શનિવારે બપોરે અચાનક જ મને માહિતી મળી કે યુનિવર્સિટીમાં યઝદી કરંજિયા નું પ્રવચન છે એટલે તરત જ મેં બીજા મારા કામોને કેન્સલ કરીને યુનિવર્સિટીમાં જવાનું નક્કી કર્યું.બપોરે 4:00 વાગ્યે યુનિવર્સિટીના કન્વેન્શન હોલમાં માનનીય કુલપતિ શ્રી પોરિયા સાહેબની ઉપસ્થિતિમાં એમનું પ્રવચન ગોઠવાયેલું હતું.વિષય હતો *હસતા હસતા કપાઈ જાય જિંદગીનો રસ્તો* પ્રવચન આપનાર માનનીય શ્રી યઝદી કરંજિયા એક પારસી નાટ્ય કલાકાર છે.તેઓ પદ્મશ્રી છે.એમણે પોતે ઘણા પ્રખ્યાત નાટકોનું સર્જન કર્યું છે.એમનું પ્રખ્યાત નાટક *દિનશાજીના ડબ્બા ડુલ* એ સુપર કોમેડી નાટક છે.મને એ વાતની ખુશી છે કે આ નાટક મેં 30 વર્ષ પહેલા જોયેલું.યઝદી કરંજિયાનું નામ ખૂબ જ સાંભળ્યું હતું.એટલે થયું કે આ લેક્ચર ન ચૂકાય. યુનિવર્સિટીના હોલમાં શ્રોતાઓ તરીકે યુનિવર્સિટીનો સ્ટાફ તેમજ વિદ્યાર્થીઓ હતા.હવે મજાની વાત એ છે કે પ્રવચન આપનારની ઉંમર 93 વર્ષ હતી.જ્યારે સાંભળનારાની એવરેજ ઉંમર 25 થી 30 આજુબાજુની હતી. આમ જુઓ તો વક્તા માટેની આ એક ચેલેન્જ હતી.છતાં પણ એમણે પ્રથમ જ લીટીથી શ્રોતાઓને શબ્દોથી જકડી લીધા અને સતત અડધા કલાક સુધી હાસ્યસભર ...

 *ફૂલવારી કી નાલ પાનરવા* *એક દિવસીય વનભ્રમણ* ગઈકાલે એક દિવસના ટ્રેકિંગ માટે અમે ફૂલવાડી કી નાલ નામના અભ્યારણમાં પાન રવા નામના ગામે રાજસ્થાન ગયા હતા.અમે કુલ 22 મિત્રો હતા.અડધા મિત્રો પાટણથી આવેલા હતા અને અડધા મિત્રો ગાંધીનગરથી આવેલા હતા. ફૂલવાડી કી નાલ એ પાનરવા નામના ગામમાં આવેલું અભયારણ્ય કુદરતી વિસ્તાર છે.જે ઉડતી ખિસકોલી માટે પ્રખ્યાત છે.ત્યાં સાબરમતી નદી વહે છે.અરવલ્લીના ડુંગરો છે.હવે ફરવા લાયક સ્થળોની વાત કરીએ. *રેસ્ટ હાઉસ* અંગ્રેજોના વખતનું દોઢસો વર્ષ જૂનું બનાવેલું આ એક પ્રાચીન બાંધણી વાળું નાનું પણ સુંદર ગેસ્ટ હાઉસ છે.એમાં રહેવાનો આનંદ લેવા જેવો છે.જમવાની વ્યવસ્થા અહીં થઈ જાય છે. પરંતુ એડવાન્સ બુકિંગ કરાવવું ફરજિયાત છે. *કલતારી ગુફા* ગેસ્ટ હાઉસથી લગભગ દસ કિલોમીટર દૂર થોડે ઉંચે ડુંગર પર એક ચૂનાના પથ્થરોની ગુફા આવેલી છે.ત્યાં જોવા માટે જઈ શકાય છે.સમગ્ર રસ્તે બાજુમાં પાણીનું ઝરણું વહે છે જેની ધારે ધારે ઉપર ચડીને ગુફા સુધી જઈ શકાય છે. *સન સેટ પોઇન્ટ* રેસ્ટ હાઉસ થી 10 કિલોમીટર દૂર બીજી દિશામાં સનસેટ પોઇન્ટ આવેલો છે.ખૂબ ઊંચાઈ પર આવેલી આ જગ્યા પરથી આજુબાજુના વિસ્તારની રમણીયતા તેમજ સ...

 *મારો એલેપી પ્રવાસ* થોડા વખત પહેલા હું કેરલમાં એલએપી એટલે કે એલાપૂજા નામના સ્થળે પ્રવાસ કરી આવ્યો.જેનું વર્ણન નીચે મુજબ છે. એલએપી એ કેરાલાનું એક સ્થળ છે.જે પોતાના બેક વોટર માટે પ્રખ્યાત છે. બેક વોટરનો અર્થ એવો થાય કે દરિયાના પાણી ઘણે અંદર સુધી ઘૂસી ગયા હોય.એટલે લગભગ નદીઓ કે નહેરો જેવું બની ગયું હોય.એલએપીમાં આવી નદીઓનું પ્રમાણ ઘણું વધારે છે.આથી એક ગામથી બીજે ગામ જવા માટે વાહનમાં જવા કરતાં હોડીઓમાં જવું સરળ પડે છે. યુરોપમાં ઇટાલી નામના દેશમાં વૅનિસ નામનું શહેર છે.તે પોતાના જળમાર્ગો માટે પ્રખ્યાત છે.એવી રીતે ભારતમાં એલએપી એ ભારત નું વૅનિસ કહેવાય છે અને માત્ર જળ માર્ગ ના પરિચય માટે ત્યાં મોટી સંખ્યામાં ટુરિસ્ટો જતા હોય છે.ખૂબ જ ટૂંકમાં કહેવું હોય તો એલએપીમાં તમારે હોડીઓમાં ફરવા માટે જવાનું હોય છે અને સાથે સાથે પ્રકૃતિનું દર્શન કરવાનું હોય છે. એલએપી શહેરમાં વાહનો પણ ફરે છે.પરંતુ સતત શહેરની વચ્ચેથી નાની મોટી નહેરો તમને દેખાયા જ કરે જેમાં હોડીઓ પણ ફરતી હોય અને માછીમારી પણ થતી હોય.જેમ બસનો ડેપો હોય છે તેમ એક સ્થળ હોડીઓના ડેપો તરીકે પ્રખ્યાત છે ત્યાંથી જુદી જુદી જગ્યાએ જવાની સરકારી અને પ્...