ભાર વિનાનું ભણતર

-

ભાર વિનાનું ભણતર


ભાર વિનાનું ભણતર કે
ભણતર  વિનાનો  ભાર
દૂર કરી શિક્ષા તમે પણ
કેમ જીરવવો ગેબી માર

કૃષ્ણએ ઉંચક્યો ગોવર્ધન
અને રામે તો  શિવ ધનુષ
ધનુષ બનુષ તો  ઠીક  છે
પણ   દફતરનું  ના  પૂછ

 સા વિદ્યા યા વિમુક્તયે
પણ  મુક્તિનું  ના   છિંડુ
બાર વર્ષના ભણતર પછી
ગણતરમાં        તો      મીંડુ

ભણતર છે કે બાળમજૂરી
એ  જ  કદી   ના સમજાતું
ભણતું કોણ વાલી કે બાળ
એ   જ  કદિ    ના પરખાતું

તાર્યો  તમે ગજરાજને
પ્રહલાદ ઉગાર્યો આપે
હું  ય ક્યાં  ઓછો  દુઃખી
લેશન   ટ્યુશનના  પાપે

કર્દમ  મોદી,
પાટણ

Comments

Post a Comment

Popular posts from this blog

અંગદનો પગ:હરેશ ધોળકિયા

-
Image
                                અંગદનો પગ હરેશ ધોળકિયા લિખિત અંગદનો પગ નવલકથા આજે બીજી વખત વાંચી.લગભગ 10 વર્ષ પૂર્વે વાંચી હતી. ત્યારબાદ ઘણા લોકોની આગળ આ પુસ્તકનો પ્રચાર પણ કર્યો હતો અને એ ખુબ સારી ચોપડી છે એવી છાપ મનમાં હોવાને લીધે હાલમાં બીજી વખત વાંચી.પુસ્તક આ હેતુથી જ ખરીદવા પડે છે કે ઇચ્છા થાય ત્યારે વાંચી શકાય અથવા કોઈને આપી શકાય પુસ્તક પાસે હોવાની એક મજા છે. અંગદનો પગ નવલકથામાં મુખ્ય ત્રણ જ પાત્ર છે.સ્વરૂપ ડાયરીનું છે. આથી તદ્દન જુદી ભાત પાડનારું પુસ્તક છે.શહેરની એક શાળાના બે શિક્ષકો છે દવે સાહેબ અને શાહ સાહેબ તથા  શાળાનો  એમનો વિદ્યાર્થી છે કિશોર.દવે  સાહેબ અને શાહ સાહેબ  બન્ને ટેલેન્ટેડ, સક્ષમ અને વિદ્યાર્થીઓમાં લોકપ્રિય છે.પરંતુ શાહ સાહેબ આધ્યાત્મિક પાયાવાળા માણસ છે. આથી જીવનમાં ઉચ્ચ નૈતિક મૂલ્યો રાખે છે, ખૂબ કામ કરે છે અને વિદ્યાર્થીઓને નિર્વ્યાજ પ્રેમ આપે છે.સાથે જીવનલક્ષી શિક્ષણ આપે છે.જ્યારે દવે સાહેબ ખૂબ જ ઈર્ષાળુ અને અદેખાઈ વાળા છે.બહારથી મિત્ર પણ અંદરથી શાહ સાહેબના ...
Read more

ટોમ એન્ડ જેરી

-
Image
                                        ટોમ એન્ડ જેરી કદાચ કોઈને જાણીને હસવું આવશે કે મને ટોમ એન્ડ જેરી જોવાનું આજે પણ ખૂબ ગમે છે કારણ કે એમાં ટોમએન્ડ જેરીની જીતવા માટેની ચડસાચડસી બતાવેલી છે. તમને ખબર છે કે ટોમ એન્ડ જેરી કાર્ટુનનો મતલબ શું છે?મતલબ એ છે કે વામન પણ જીતી શકે છે અને વિરાટ બની શકે છે. મૂળ વાત એમ છે કે વિશ્વ પ્રસિદ્ધ લેખક સ્વપ્નદ્રષ્ટા એવા જિન  ડાઇચ ૯૫ વર્ષની ઉંમરે પ્રાગમાં ગુજરી ગયા.8-8-1924માં એમનો જન્મ અમેરિકાના શિકાગોમાં.તેમની પ્રખ્યાત શોર્ટ ફિલ્મો મૂનરો,ટોમ ટેરેફિક અને નૂડનીક પણ છે.જેમાં મૂનરો ઓસ્કાર વિજેતા છે. એમણે ૧૯૦૮ સુધી કામ ચાલુ રાખ્યું પ્રાગ ચેકોસ્લોવેકિયા એમને એટલું ગમતું હતું કે તેમણે એ ક્યારેય ન છોડ્યું.મર્યા પછી પણ તેમણે કબર પર લખાવ્યું કે ફોર ધ લવ ઓફ પ્રાગ.જે એમનો અદભુત વતન પ્રેમ છે. મારા સર્વ મિત્રોને અનુરોધ કરું છું ટોમ એન્ડ જેરી એ તો બાળકો માટે નું કાર્ટુન છે એમ માનીને એની અવગણના કરશો નહીં.ભલે બધા હપ્તા ન જુઓ પણ થોડાય જોજો જરૂર.  કર્દમ...
Read more

ઓ દુનિયા કે રખવાલે........એક પ્રતિભાવ

-
Image
                     ઓ દુનિયા કે રખવાલે........એક પ્રતિભાવ  ફિલ્મ બૈજુ બાવરાનું મોહમ્મદ રફી સાહેબે ગાયેલું ગીત એ અમર ગીત છે.એના ઘણા કારણો છે.  આ ગીત એક હિંદુ ભજન છે જેમાં ભક્ત ભગવાનને પોતાના દુઃખ બાબતે પ્રાર્થના કરે છે અને ભગવાનની મૂર્તિ માંથી આંસુ વહે છે. હવે આ ગીત લખનાર શકીલ બદાયુની, ગાનાર  રફી સાહેબ અને સંગીત નિયોજક નૌશાદ સાહેબ બધા જ મુસ્લિમ છે. છતાં જે ભાવ, પ્રેમ, ઊર્મિ આ ગીતના શબ્દોમાં અને સંગીતમાં તથા ફિલ્મમાં દેખાય છે તે અવર્ણનીય છે. ગીતની ધૂન રાગ દરબારીમાં નૌશાદ સાહેબે એટલી સુંદર બનાવી છે કે ખરેખર જ મુર્તિની આંખમાંથી આંસુ સરી જાય. તદ્દન નીચા સૂરોથી શાંતિપૂર્વક ભગવાન... ભગવાન.... એવા શબ્દોથી ગીતનું મંડાણ થાય છે.જેમ કે શિયાળાની સવારનો  સૂર્ય ઉગતો હોય.પરંતુ ગીત જેમ જેમ આગળ વધે છે તેમ તેમ તેના સ્વરો ગતિ પકડે છે અને આગળ જતા ગ્રિષ્મના સૂર્યની જેમ જાણે કે ગીત તપવા માંડે છે અને વચ્ચે ભગવાન ભલા હો તેરા.... કહીને શૌર્યના ભાવથી ભગવાનને પણ 'સંભળાવી' દેવામાં આવે છે અને સૌથી છેલ્લી પંક્તિમાં રખવાલે શબ્દથી ભગવા...
Read more